جاسوس کے بعد پاکستان لبریشن آرمی،بھارت نے ایک بار پھر مذاق بنوالیا
دہلی: پاکستان بھارتی میڈیا کے اعصاب پر کس قدر سوار ہے، اس کا مظاہرہ گزشتہ روز ایک بار پھر دیکھنے میں آیا جب بھارتی اینکر چین کی لبریشن آرمی کو پاکستان لبریشن آرمی کہہ دیا۔
تفصیلات کے مطابق بھارتی ٹی وی چینل ٹائمز ناؤ کی گروپ ایڈیٹر اور سینئراینکر نویکا کمار نے لداخ کی رپورٹ پڑھتے ہوئے چین کی پیپلز لبریشن آرمی کے مخفف پی ایل اے کو پاکستان لبریشن آرمی پڑھ دیا اور یہ رپورٹ نشر بھی ہوگئی۔
ویڈیو وائرل ہونے پر اینکر اور بھارتی میڈیا کا خوب مذاق اڑایا جارہا ہے۔
Indian TV journalist says PLA stands for Pakistan Liberation Army.
I rest my case🙏🏼 pic.twitter.com/o9FFCIGCPz
— Uzair Hasan Rizvi (@RizviUzair) May 30, 2020
واضح رہے کہ اس سے قبل بھارتی فوج نے جموں میں پاکستانی جاسوس کبوتر پکڑنے کا دعویٰ کیا تھا اور اس دعوے کا بھی عالمی سطح پر خوب مذاق اڑایا گیا، ایک برطانوی ٹی وی اینکر نے تو اس پر پروگرام کیا جس میں وہ بھارتی دعوے پر ہنس کر لوٹ پوٹ ہوتے رہے ۔